وزیراعلیٰ پنجاب شہبازشریف دی صدارت اچ اجلاس،قصور اچ بالڑی دے قتل دے واقعہ تے پولیس حکام دی سرزنش
زبانی جمع خرچ کائنا چلسی،میکوں ملزماں دی گرفتاری چاہیدی اے،ایجھے اندوہناک واقعے کہیں وی صورت برداشت کائنی
غفلت تے متعلقہ پولیس افسراں دے خلاف وی کاروائی تھیسی،وزیراعلیٰ دا اجلاس توں خطاب
لاہور۔10 جنوری(اے پی پی )وزیراعلیٰ پنجاب شہبازشریف دی صدارت اچ اجلاس تھیا جئیں اچ قصور اچ بالڑی دے قتل دے واقعہ تے پولیس حکام دی سرزنش کیتی گئی۔وزیراعلیٰ محمد شہبازشریف اجلاس توں خطاب کریندیں ہوئیں آکھیا جو زبانی جمع خرچ کائنا چلسی،میکوں ملزماں دی گرفتاری چاہیدی اے،ایجھے اندوہناک واقعے کہیں وی صورت برداشت کائنی۔غفلت تے متعلقہ پولیس افسراں دے خلاف وی کاروائی تھیسی۔ ایڈیشنل چیف سیکرٹری داخلہ، انسپکٹر جنرل پولیس، آر پی او شیخوپورہ اتے متعلقہ حکام اجلاس اچ شریک تھےے۔
