مثبت پالیسیاں نال بجلی دے بحران تے قابو پاتا گیا ہے، نیٹ میٹرنگ نظام نال نہ صرف اج بلکہ مستقبل اچ بجلی دے مسئلے حل تھیسن
اسلام آباد ۔ 3 جنوری (اے پی پی) وزیرا عظم شاہد خاقان عباسی آکھیا ہے جو حکومت دیاں چنگیاں پالیسیاں پاروں بجلی دے بحران تے قابو پاتا گیا ہے ،، نیٹ میٹرنگ نظام نال نہ صرف اج بلکہ مستقبل اچ بجلی دے مسئلے حل تھیسن ۔انہاں خیالاں دا اظہار انہاں بدھ کوں کامسیٹس اچ نویںصارف دوست نیٹ میٹرنگ فریم ورک دی تقریب توں خطاب کریندے ہوئیں کیتا ۔ انہاں نیٹ میٹرنگ فریم ورک دے شروع تے وزارت توانائی اتے کامسیٹس مبارخ باد ڈیندے ہوئیں آکھیا جو نیٹ میٹرنگ دے نظام اچ لائن لاسز اچ گھٹکی تھی ویسی ۔ وزیر اعظم آکھیا جو نیٹ میٹرنگ نال نہ صرف اج بلکہ مستقبل اچ وی بجلی دے مسئلے حل تھیسن ۔انہاںآکھیا جو مسلم لیگ (ن) دی حکومت اقتدار سنبھیندے ہی توانائی دے چیلنج نال موثر طور تے نبڑنڑ سانگے مختلف اقدامات چاتے ،کئی نویں منصوبے شروع کیتے ۔انہاں آکھیا جو کولیں ،جوہری ،پانڑیں سمیت مختلف ذرائع نال بجلی دی پیداوار حاصل کرنڑ سانگے پکے اقدامات تے عمل در آمد کیتا گیا ۔ہوا نال وی بجلی پیدا کرنڑ دے منصوبے وی لاتے ہوئے ہن ۔ وزیرا عظم آکھیا جو حکومت توانائی دے شعبے اچ ودھ مستعدی اتے بجلی دی پیداواری لاگت کوں گھٹ کرنڑ تے توجہ ڈتی ہوئی ہے ۔ انہاںآکھیا جونیٹ میٹرنگ دے نظام اچ ترقی دے وسیع موقع موجود ہن۔ اساں ڈے گیس نال چلنڑ آلی چنگی کاکردگی دے پلانٹ موجود ہن ۔ایں موقع تے وفاقی وزیر توانائی اویس احمد لغاری وی تقریب توں خطاب کیتا ۔
