رحیم یار خان ۔ 06جنوری (اے پی پی) وزیر اعظم شاھد خاقان عباسی آکھیا ہے جو صادق آباد اچ آر ایل این جی دی ترسیل اتے فراہمی دا منصوبہ عام آدمی کو ںنظر نی آندا لیکن پاکستان دی ترقی اتے توانائی دے مسائل دے حل اچ وڈے کردار دا حامل ہے،ا یہ اوہ منصوبہ ہے جیرھا جو پنجاب اتے خیبر پختونخوا کو ں گیس فراہم کریندے ،ودھ گیس ڈیونڑ دے بغیر ملک دے توانائی دے مسائل حل نی تھی سگدے ، سوئی نادرن اتے سوئی سدرن گیس کمپنیاں دی انتظامیہ ، افسراں اتے سٹاف ا وہ کم کیتے ہن جیرھے وڈے وڈے ترقی یافتہ ملک وی نی کرسگدے ، پوری دنیا ایہ گالھ منیدی ہے جو پاکستان اچ سبھ توں سستی ایل این جی گیس دستیاب ہے،مستقبل اچ وی محمد نواز شریف دے ویژن مطابق ترقی دا سفر جاری راہسی ۔ ہفتہ کوں صادق آباد اچ آر ایل این جی دی ترسیل اتے فراہمی دے منصوبے دی افتتاحی تقریب نال خطاب کریندے ہوئیں وزیر اعظم آکھیا جو ایں توں پہلے ملک دی تریخ اچ 42انچ دی پائپ لائن نی لاتی گئی، اج 1400کلومیٹر لمبی پائپ لائن لاتی گئی ہے ،جیندے وچ 700کلو میٹر دی 42انچ دی پائپ لائن وی موجود ہے۔ انہاں آکھیا جوسوئی سدرن اتے سوئی نادرن ڈو سال دی گھٹ مدت اچ ایہ منصوبہ مکمل کیتے جیرھی فخرآلی گالھ ہے۔ وزیر اعظم آکھیا جو جڈاں مسلم لیگ (ن) دی حکومت آئی تاں ملک اچ توانائی دا بحران ہا ، اساڈی شرح نمو 3فیصد توں وی گھٹ ہائی اتے ایں مسئلے دا کوئی حل نظر نی آندا ہا ، لیکن محمد نواز شریف دے ویژن اتے پاکستان مسلم لیگ (ن) دے جذبے نال ملک دے توانائی دے مسئلے کوں آندے 15سال سانگے حل کر ڈتا گئے ۔انہاں آکھیا جو جڈاں اساڈی حکومت برسراقتدار آئی تاں گیس نال چلنڑ آلے بجلی گھر ، کھاد دے کارخانے اتے بئے صنعتی ادارے بند ہن ، ملک 10 لکھ ٹن کھاد درآمد کر یندا ہا ، سی این جی اتے صنعتاں سانگے گیس موجود کائناں ہا جڈانجو گھراں اچ وی لوڈ شیڈنگ تھیندی ہائی ، گیس دی طلب اتے رسد اچ وڈا فرق ہا۔ا یہ چیلنج اساکوں و رثے اچ ملے ۔ انہاں آکھیا جومسلم لیگ (ن ) سینکڑاں منصوبے پورے کر گھدن ۔ انہاں آکھیا جومسلم لیگ (ن) اپنڑے دور حکومت اچ 580کلومیٹر موٹرویز بنڑائے اتے ہنڑ ساڈھے چار سال دے عرصے اچ 1800کلو میٹر موٹروے بنڑائی ویندی پئی ہے جڈانجو دنیا دے ترقی یافتہ ملک وی200توں250کلو میٹر توں ودھ موٹرویز نی بنڑا سگدے ۔ انہاں آکھیا جو اج ملک اچ نویاں فیکٹریاں ، کار خانے یا کاروبار کرنے ہونڑ تاں گیس دستیاب ہے ۔سوئی نادرن 45سال اچ 40لکھ کنکشن ڈتے جڈانجو اساڈ حکومت جون تئیں ودھ 20لکھ کنکشن ڈیسی ۔ ساڈھے چار سالاں اچ گیس کنکشناں اچ 50فیصد دا ودھارا کیتا گئے اج ہر صارف کوں سردیاں اچ وی گیس دستیاب ہے ۔ کوئی کنکشن سفارش تے نی ڈتا گیا بلکہ پہلے درخواست جمع کراونڑ آلے کوں پہلے کنکشن ڈتا گئے۔ انہاں آکھیا جو اساڈی حکومت معیشت دی ترقی دے نویںمنصوبے شروع کیتے اتے جولائی 2018ء دے بعد وی عوام دے مسئلے حل کرنڑ سانگے بئے اقدامات کیتے ویسن ۔ وزیر اعظم یقین ڈیوایا جوجنوبی پنجاب اچ اساڈی کارکردگی تساڈے سامنڑے ہے اتے علاقے اچ گزریل 65سالاں اچ ساریاںجماعتاںمل تے وی جیرھا کم نہ کرسگیاں اوہ مسلم لیگ (ن) کیتے ہن۔انہاں آکھیا جو ایہ اوہ منصوبے ہن جیرھے جو تساڈا حق ہن اتے مسلم لیگ (ن) تساڈا حق تساکوں ڈے ڈتے ۔ انہاں آکھیا جو مستقبل اچ وی محمد نواز شریف دے ویژن مطابق ترقی سا سفر جاری راہسی، جیویںا یہ منصوبہ پورا تھئے،ایں طرح پورے ملک اچ منصوبے پورے کیتے ویسن جنہاں دی ہک وڈی لمبی لسٹ ہے۔
