اسلام آباد ۔ 5 جنوری (اے پی پی) وزیر مملکت اطلاعات ، نشریات ، قومی تاریخ تے ادبی ورثہ مریم اورنگزیب زبیدہ آپا دے انتقال تے ڈکھ تے افسوس دااظہا ر کیتا ہے ۔جمعے کوں اپنڑے تعزیتی بیان اچ وزیر مملکت آکھیا جو زبیدہ آپا اپنڑے منفرد کوکنگ شودے ذریعے پاکستان اچ مقبول ہن۔پکوان دی تیاری اتے سلیقہ مندی دی مشرقی اقداردے ودھارے اچ انہاں دے کردار کوں دیر تئیں یاد رکھیا ویسی ۔زبیدہ آپا نوجوان نسل اچ مثبت رویں دے ودھارے تے معاشرے اچ مثبت قدر دی حوصلہ افزائی کیتے قابل قدر خدمات انجام ڈتیاں ۔وزیر مملکت دعا کیتی جو اللہ سئیں مرحومہ کوں اپنڑی جوار رحمت اچ جاہ ڈیوے تے انہاں دے ٹبر کوں صبر ڈیوے ۔
