اسلام آباد ۔ 10 جنوری (اے پی پی) وزیر مملکت برائے خزانہ و اقتصادی امور رانا محمد افضل خان نال سعودی عرب دے سفیر نواف بن سیّد المالکی ملاقات کیتی اے۔انہاں 16 اتے 17 جنوری کوں تھیونڑ آلے پاک سعودی مشترکہ وزارتی کمیشن دے اجلاس دیاں تیاریاں بارے گالھ مہاڑ کیتی۔ ملاقات اچ پاکستان اتے سعودی عرب وچال ڈو طرفہ تجارت دے ودھارے سانگے اقدامات تے وی غور کیتا گئے۔انہاں مشترکہ تجارتی نمائشاں اتے پاک۔سعودی بزنس کونسل کوں فعال بنڑاونڑ تے زور ڈتے۔ایں سانگے حلال فوڈ، کیٹل فارمنگ، کھیر ، ماہی پروری اتے بئے زرعی صنعتی منصوبیاں اچ سعودی سرمایہ کاری دے موقعیاں دا وی جائزہ گھدا گیا۔
