وزےراعلیٰ پنجاب دی قصور اچ قتل تھیونڑ آلی نکی بالڑی زینب دے گھر آمد،انہاں دے نمانڑے ٹبر نال تعزےت

ایں اندوہناک واقعہ دی جتنی مذمت کیتی ونجے گھٹ اے،درندہ صفت ملزم قنون دے مطابق سزا توں کائنا بچ سگسی،شہباز شریف
لاہور۔11جنوری(اے پی پی )وزےراعلیٰ پنجاب محمد شہبازشرےف قصور اچ قتل تھیونڑ آلی نکی بالڑی زینب دے گھر آمد،انہاں دے نمانڑے ٹبر نال تعزےت ڈکھ اتے افسوس کیتا۔انہاں سوگوار ٹبر نال دلی ہمدردی اتے تعزےت کیتی۔انہاں بالڑی دے ابے اتے بئے لواحقین نال گالھ مہاڑ کریندیں ہوئیں آکھیا جو ایں اندوہناک واقعہ دی جتنی مذمت کیتی ونجے گھٹ اے،درندہ صفت ملزم قنون دے مطابق سزا توں کائنا بچ سگسی۔انہاں آکھیا جو میڈا وعدہ اے جو میں ہر قیمت تے انصاف ڈویساں۔انہاں کمسن بالڑی دی روح اے ایصال ثواب سانگے فاتحہ خوانی کیتی۔