اسلام آباد ۔ 18 جنوری (اے پی پی) وفاقی وزیر توانائی سردار اویس احمد خان لغاری دی ہدایت تے ساری ڈسٹری بیوشن کمپنیاں مارچ دے چھیکڑ تئیں بجلی دی فراہمی اچ تکنیکی رکاوٹاں دے خاتمے سکیتے وار رومز اور پیپکو نگرانی دا خصوصی سیل قائم کرڈتے ۔ خمیس کوں وزارت پاور ڈویژن ولوں جاری پریس ریلیز دے مطابق اے وزارت توانائی دے پاور ڈویژن دا ہک انقلابی قدم اے ۔وار رومز تے نگرانی دے خصوصی سیل جنرل منیجر/ چیف انجینئر دی سربراہی اچ کم کریسن تے ایندا مقصد ملک دے 10فیصد لاسز آالے فیڈرزتے لوڈ شیڈنگ نہ کرنڑ دے فیصلے تے عمل در آمد کراونڑاں اے۔ وفاقی وزیر ایں حوالے نال ہدایات سارے سی ای او ز تے ڈسٹری بیوشن نیٹ ورک پیپکوتے بے حکام دے نال خمیس کوں ہک اجلاس دے دوران جاری کیتیاں ۔
