پاکستان دی اقتصادی شرح نمو اچ 5.5 فیصد دا وادھا متوقع اے،عالمی بینک

اسلام آباد ۔ 10 جنوری (اے پی پی) عالمی بینک اجوکے مالی سال 2017-18سانگے پاکستان دی اقتصادی شرح نمو اچ 5.5 فیصد دے ودھارے دی توقع ظاہر کیتی ہے جڈاں جو آندے مالی سال 2018-19دے دوران معاشی ترقی دی شرح 5.8 فیصدتئیں ودھنڑ دا امکان ہے ۔ عالمی بینک جنوبی ایشیا دے حوالے نال اپنڑی رپورٹ اچ مزید آکھیے جو پاکستان دے تجارتی گھاٹے اچ ودھارے دا سبب بر آمدات اچ گھٹکی ہے ۔ رپورٹ دے مطابق ایں وقت پاکستان دے جاری کھاتیں داگھاٹا مجموعی قومی پیداوار (جی ڈی پی) دے 4.1 فیصد دے برابر ہے ۔