اسلام آباد ۔ 5 جنوری (اے پی پی) ڈپٹی چیئرمین پلاننگ کمیشن سرتاج عزیز آکھیا ہے جو ملک دی مستقبل دی ترقی دا دارو مدار پاکستان دے آبی ذخیرے تے مناسب استعمال تے ہے جیں سانگے وفاقی حکومت اپنڑاں کردار ادا کریندی پئی ہے ،آبادی اچ ودھارے پوری دنیا دی زمین تے پانڑیں دے ذخیرے تے بوجھ پاتا ہے ،ایں سانگے لازمی ہے جو آبی ذخیرے کوں محفوظ رکھیا ونجے ۔انہاں آکھیا جو پلاننگ کمیشن پانڑیں دی گھٹکی کوں دور کرنڑ سانگے بجلی پیدا کرنڑکیتے منصوبہ بندی کیتی ہے ۔پانڑیں دے ذخیرے کوں محفوظ کرتے زرعی ترقی اچ اہم کردار ادا کیتا ونج سگدے۔ سنٹرل ڈویلپمنٹ ورکنگ پارٹی دے گزریل اجلاس اچ آبی وسائل متعلق 5.8 ارب روپے مالیت دے منصوبے منظور کیتے گن۔ اجلاس اچ وزارت آبی سائل ولوں 5 ارب 83کروڑ 36لکھ 62ہزار روپے دی لاگت دا ضلع راولپنڈی اچ پاپن ڈیم دی تعمیر دا منصوبہ پیش کیتا گیا جیںد ا مقصد پنجاب اچ زراعت، میونسپل، صنعت اتے ماحولیات سانگے ودھدیاں ہویاں ضرورتاں کوں پورا کرنڑاں ہے تے اے منصوبہ89 ہزار 600 ایکڑ فٹ پانڑیں محفوظ کریسی جیرھا جو 20 ہزار ایکڑ بارانی زمین کو ں آبپاشی سانگے پانڑیں ڈیسی ۔ ایں منصوبے کوں اجلاس مزید منظوری سانگے ایکنک کو ںبھجوا ڈتا ہے۔
