پاکستان دی مقبوضہ کشمیر دی وستی تے بھارتی طاقت دے اندھے استعمال دی سخت مذمت

اسلام آباد ۔ 28 جنوری (اے پی پی)پاکستان مقبوضہ کشمیر دی وستی تے بھارتی طاقت دے اندھے استعمال دی سخت مذمت کریندے ہوئیں آکھیے جو مقبوضہ کشمیردی وستی گانوپورااچ بھارتی سیکیورٹی فورسز ولوں فائرنگ اتے ہتھیاراںدا استعمال کشمیریاں دے خلاف ریاستی دہشتگردی دا ثبوت اے۔ ترجمان دفتر خارجہ ولوں جاری بیان اچ آکھیا گئے جو کشمیری نینگراں کوں جانڑ بُجھ تے نشانہ بنڑایا ویندا پئے،تاں جو جو انہاں دے جذبہ آزادی کوں دبایا ونج سگے بھل بھارت دے اے بزدلانہ ہتھکنڈے کامیاب نہ تھیسن۔بیان موجب بہادر کشمیری عوام ثابت کیتے جو او کہیں قسم دے جبر، ظلم، تشدد اتے شہادتاں دے باوجودحق خود ارادیت تون پچھوں نہ ہٹسن۔ انہاں کشمیریاں نال اظہار یکجہتی کریندے ہوئیں آکھیے جو عالمی برادری مقبوضہ جموں وکشمیر اچ انسانی حقوق دیاں سنگین اتے منظم خلاف ورزایں دا نوٹس گھنے اتے بھارت کون اینجھے شرمناک اقدامات توں روکے ۔عالمی برادری کوں مسئلہ کشمیر دے منصفانہ حل کیتے اقوام متحدہ دیاں قرار داداں تے عملدرآمد کیتے کردار ادا کرنڑا چاہیدے۔