پاک نیوزی لینڈ ڈوجھا ٹی 20 کرکٹ میچ خمیس آلے ڈینہہ کھیڈیا ویسی

آکلینڈ ۔ 23 جنوری (اے پی پی) نیوزی لینڈ اتے پاکستان دیاں کرکٹ ٹیماں وچال ترائے ٹی 20 میچاں دی سیریز دا ڈوجھا میچ خمیس الے ڈینہہ ایڈن پارک آکلینڈ اچ کھیڈیا ویسی ۔ میزبان ٹیم کوں ترائے میچاں دی سیریز اچ 1-0 دی وتھی اے۔ کیویز ٹیم پہلے ٹی 20 کرکٹ میچ اچ پاکستان کو ں7 وکٹاں توں ہرا ئے۔ ایں توں پہلے کھیڈی گئی ون ڈے سیریز اچ میزبان نیوزی لینڈ، پاکستان کوں 5-0 توں وائٹ واش کیتا ہا۔قومی کرکٹ ٹیم دے کپتان سرفراز احمد آکھیے جو ہار جیت کھیڈ دا حصہ ہے ڈوجھے میچ اچ کیویز کو ں ہرا تے سیریز اچ وَل آسوں۔سیریزدا تریجھا اتے چھیکڑی ٹی ٹونٹی 28 جنوری کوں کھیڈیا ویسی۔