اسلام آباد ۔ 04 جنوری (اے پی پی) لاہورسمیت پنجاب دے کئی شہراں اچ ودھ ساری کوہیڑ پاروں حدنگاہ بہوں گھٹ ،ٹریفک متاثر کئی جہیں تے موٹر وے بند کوہیڑ پاروں اندرلے تے باہرلے ملک ونجنڑ آلیاں کئی پروازاں منسوخ کر ڈتیاں گیاں ۔نجی ٹیلی وژن دے مطابق پنجاب دے کئی شہراں اچ کوہیڑ نظام زندگی کوں درہم برہم کر ڈتا ۔جی ٹی روڈ کھاریاں توں کالا شاہ کاکو تئیں صفر تے قومی شاہرہ تے ٹنڈو مستی توں روہڑی ٹول پلازہ تئیں 40میٹر ریکارڈ کیتی گی ، قومی شاہراہ تے لاہور، پتوکی، اوکاڑہ، ساہیوال، چیچہ وطنی، چناب نگر، بہاولنگر، ٹوبہ ٹیک سنگھ، قصور، صفدرآباد، وہاڑی،کروڑلعل عیسن،کبیروالا،کلورکوٹ، شورکوٹ اتے نیڑے بہوں کوہیڑ پاروں ٹریفک دی روانی متاثر تھی گی جڈاں جولاہوراتے سیالکوٹ اچ کوہیڑ پاروں فلائٹ اپریشن معطل تھی گیا جیں پاروں اندرلے ملک تے باہرلے ملک 21پروازاں منسوخ تھی گیاں ۔موٹروے پولیس دے مطابق کوہیڑ پاروں موٹروے ایم 2 کوں لاہورتوں پنڈی بھٹیاں، موٹروے ایم 3 پنڈی بھٹیاں توں فیصل آباد، ایم 4فیصل آبادتوں گوجرہ تئیں بندکر ڈتا گیا، ودھ ساری کوہیڑ پاروں خانیوال ملتان موٹروے کوں و ی بند کر ڈتا گیا ، ترجمان موٹروے پولیس آکھیا ہے جو ڈرائیورزدوران سفرفوگ لائٹس استعمال کرن،کہیں وی مشکل صورتحال اچ شہری ہیلپ لائن 130تے رابطہ کرن۔
