اسلام آباد ۔ 26 جنوری (اے پی پی) سینیٹ کوں ڈسایا گیا جو پچھلے 5سال سندھ اچ نیشنل ہائی ویز اتے موٹر ویز دی تعمیر دے اٹھ منصوبے پورے کیتے گن ۔جمعے کوں ایوان بالاں اچ سوالاں دے وقفے دے دوران سینیٹر طاہر حسین مشہدی تے بے ارکاناں دے سوال دے جواب اچ وفاقی وزیر پارلیمانی امور شیخ آفتاب احمد ایوان کوں ڈسایا جو ایں وقت سندھ اچ چار منصوبے زیر تکمیل ہن۔ پورے تھیونڑ آلے منصوبیں اچ حیدر آباد ۔ بدین روڈ، گھارو ۔ کیٹی بندر پیکیج I-II، لاڑکانہ ۔ موئنجو داڑو روڈ توں ایئر پورٹ روڈ II-، قمبر شہداد کوٹ، لاڑکانہ، نصیر آباد، لاڑکانہ، قمبر اتے لیاری ایکسپریس وے دے منصوبے شامل ہن جبکہ گھارو، کیٹی بندر پیکیج III، سکھر بائی پاس کوں ڈو پاسے کرنرڑ ، کراچی ۔ حیدر آباد موٹر وے ایم نائن اور سکھر ۔ ملتان موٹر وے تے کم جاری اے انہاں ڈسایا جو سکھر ۔ ملتان موٹر وے منصوبے دی لمبائی 392 کلو میٹر ہے اتے اے اگست 2019اچ پورا تھیسی جڈاں جو کراچی ۔ حیدرآباد موٹر وے M9 منصوبہ اجوکے سال مارچ اچ پورا تھیونڑ دا امکان اے ۔
