ڈی ۔8 ملکاں دی کانفرنس اپریل 2018اچ پاکستان اچ تھیسی، شیزا فاطمہ خواجہ

اسلام آباد ۔ 18 جنوری (اے پی پی) ڈی ۔8 ممالک دی کانفرنس اپریل 2018اچ پاکستان اچ تھیسی ۔خمیس کوں قومی اسمبلی اچ سوالاں دے وقفے دے دوران شکیلہ لقمان دے سوال دے جواب اچ شیزا فاطمہ خواجہ ڈسایا جو گزریل ترائے سال اچ پاکستان دی بر آمدات اچ گھٹکی دا رحجان رہیا تے ہنڑ ایندے تے قابو پا گھدا گے ۔گزریل سال دے مقابلے اچ 2017-18اچ جولائی توں نومبر تئیں بر آمدات اچ 10.50فیصد ودھارا تھے ۔ایں دوران 9ارب 3کروڑ ڈالر دیاں بر آمدات تھیاں ۔ صبیحہ نذیر دے سوال دے جواب اچ انہاں ڈسایا جو ڈی ایٹ ملکاں دی کانفرنس اپریل 2018اچ کراونڑ دی پیشکش اے تاں جو معاہدہ دی فعالیت دے رستے اچ رکاوٹاں ہٹایاں ونجن ۔ایں نال ڈی ایٹ ملکاں وچال تجارت دے رستے اچ ساریاں رکاوٹاں مک ویسن ۔