ہمسایہ ملکاں نال تعلقات اچ خرابی نی چاہندے ،بنگلہ دیش سارک کانفرنس کوں خراب کرنڑ اچ بھارت دا ساتھ ڈتے ،وزیر خارجہ خواجہ محمد آصف

اسلام آباد ۔ 18 جنوری (اے پی پی) وزیر خارجہ خواجہ محمد آصف آکھیے جو پاکستان تے بنگلہ دیش وچال کشیدہ تعلقات دی بنیادی وجہ بنگلہ دیشی حکومت دا رویہ اے ،اساں ہمسایہ ملکاں نال تعلقات اچ خرابی نی چاہندے ،بنگلہ دیش سارک کانفرنس کوں خراب کرنڑ اچ بھارت دا ساتھ ڈتا ۔خمیس کوں قومی اسمبلی اچ وقفہ سوالات دے دوران خواجہ آصف ڈسایا جو پاکستان تے بنگلہ دیش وچال جھیڑے دی وجہ توں بنگلہ دیشی حکومت دا رویہ اے ۔او 1974دے معاہدے تے عمل نی کریندا پیا ۔1971اچ انجھ دی تحریک دے مخالف کئی لوکاں کوں انہاں پھاسی ڈتی ۔اساں تعلقات کوں معمول تے گھن آونڑ دی کوشش کیتی تے اگوں تے وی کریسوں ۔اساں نی چاہندے جو ہمسایہ ملکاں دے دے نال تعلق خراب تھیوے ۔سارک کانفرنس کوں خراب کرنڑ اچ بھارت دے نال بنگلہ دیش وی رلے ہا ۔