ڈیووس ۔ 24 جنوری (اے پی پی) وزیر اعظم شاہد خاقان عباسی آکھیے جو سانجھی خوشحای دے مقصد دا حامل ” ہک خطہ ہک سڑک “ منصوبہ کئی ملکاں ،خطیں تے تہذیباں کوں کٹھا کریندے ہوئیں اقتصادی ترقی اچ معاون ثابت تھیسی،سی پیک منصوبے دے تحت پاکستان اچ مواصلات ، بنیادی ڈھانچے، توانائی دے وڈے منصوبیں تے کم تھیندا پے، منصوبے نال علاقائی تجارت کوں ودھارا تھیسی تے خطے دے عوام ہک ڈوجھے دے نیڑے آ ویسن ۔ اے گال انہاں بدھ کوں اتھاں 48ویں عالمی اقتصادی فورم اچ ” ہک خطہ ہک سڑک دے اثرت “ دے موضوع تے پینل مباحثے اچ اظہار خیال کریندے ہوئیں کیتا ۔ وزیر اعظم شاہد خاقان عباسی آکھیا جو پاکستانی چینی صدر شی جن پنگ دے ایں شاندار اقدام کوں تحسین دی نظر نال ڈیکھدے جنہاں اپنڑے وژن دے ذریعے مستقبل کیتے عالمی رابطہ تشکیل ڈتا ہے۔ وزیرا عظم آکھیا جو اے منصوبہ تاریخ دے حامل ملکاں وچال تعلقات دا عملی مظہر اے ۔ ایں منصوبے دے تحت کئی ملکاں وچال اقتصادی سرگرمیاں دے نال نال وسیع رابطے قائم تھیسن ۔ ۔انہاں آکھیا جو سی پیک منصوبے نال پاکستان اچ مواصلات ،بنیادی ڈھانچے ،توانائی دے وڈے وڈے منصوبیں تے کم تھیندا پے ایں منصوبے نال خطے دے ملک ہک ڈوجھے نال جڑ ویسن ۔ اقتصادی سرگرمیاں کوں ودھارا تھیسی ۔ انہاں آکھیا جو بیلٹ اینڈ روڈ اقدام دے مثبت اثرات پاکستان اچ پہلے ہی محسوس کیتے ویندے پن جیویں پاکستان اچ بجلی دے منصوبے قائم کیتے ویندے پن۔ماحولیاتی تحفظ دے اقدامات اچ پاکستان ہک ذمے وار ملک دی حیثیت نال سامنڑے آیا ہے ۔ وزیر اعظم آکھیا بیلٹ اینڈ روڈ اقدام 2018ءعالمی اقتصادی فورم دے اجلاس نال پورے طور تے شریک ملکاں اچ سانجھے مستقبل دا حامل اے ۔
