اسلام آباد۔ 15 جنوری (اے پی پی) وفاقی وزیر ہیلتھ سروسز سائرہ افضل تارڑ آکھیے جو اساں الیکشن اچ عوام نال جیرھے وعدے کیتے ہن او اﷲ دے فضل نال پورے کیتن، حافظ آباد دی تاریخ چا تے ڈیکھو ساریں توں ودھ ترقی دے کم اساڈے دور اچ تھے ہن ،سنوار کوں ضلع حافظ آباد دے علاقے کوٹ قادر بخش اچ سوئی گیس دی افتتاحی تقریب توں خطاب کریندے ہوئیں وفاقی وزیرآکھیا جو اساڈی حکومت کھوکھلے نعریں تے یقین نی رکھیندی ،تنقید کرنڑ سوکھا ہے ،کم کرنڑ بہوں اوکھا ہے ،اساں کم کر تے ڈکھایا ۔انہاں آکھیا جو انشاءاﷲ اپنڑی کارکردگی دی بنا تے 2018دے انتخابات اچ ولا کامیابی مسلم لیگ (ن) دے قدم چمسی تے مخالفین فیس بک تئیں محدود رہ ویسن ۔سائرہ افضل تارڑ آکھیا جو ہنڑ اﷲ دے فضل و کرم نال پاکستان ترقی دے رستے تے ٹردا پے ، پاکستان دی ترقی تے خوشحالی اساڈا نصب العین ہے۔
