خمیس اتے جمعہ آلے ڈینھ اسلام آباد سمیت اپر پنجاب، خیبر پختونخوا، فاٹا، گلگت بلتستان اتے کشمیر اچ کڈاہیں کڈاہیں تکھی ہوائیں اتے کھمنڑ دے نال مینھ وسنڑ دا امکان ہے، محکمہ موسمیات

اسلام آباد ۔ 28 فروری (اے پی پی) محکمہ موسمیات ولوں ملک دے کجھ علاقیاں اچ مینھ وسنڑ دی پیشنگوئی کیتی گئی ہے ۔محخمہ موسمیات مطابق بدھ دی (رات) اتے (اج) خمیس دوران شمال مشرقی بلوچستان اتے سکھر ڈویژن اچ کجھ جئیں جڈانجو خمیس اتے جمعہ دے ڈینھ خیبر پختونخوا، اسلام آباد، اپر پنجاب، فاٹا، گلگت بلتستان اتے کشمیر اچ کڈاہیں کڈاہیں تکھی ہوائیں اتے کھنڑ دے نال مینھ وسنڑ دا امکان ہے۔محکمہ موسمیات دی رپورٹ مطابق خمیس اتے جمعہ آلے ڈینھ مالاکنڈ، ہزارہ ڈویژن، کشمیر، گلگت بلتستان، مری اتے گلیات اچ برف باری دا وی امکان ہے۔ آندے 24 گھنٹیاں دے دوران ملک دے مغربی علاقیاں اچ مطلع جزوی طور تے ابرآلود راہسی،تاں جو کوئٹہ، ژوب، قلات، مالاکنڈ ، ڈی آئی خان ڈویژن، فاٹا اتے گلگت بلتستان اچ کجھ جئیں تے کھمنڑ دے نال مینھ وسنڑ اتے پہاڑاں تے برف باری دا امکان ہے۔ رپورٹ دے مطابق گزریل 24 گھنٹیاں دے دوران ملک دت اکثر علاقیاں اچ موسم ٹھڈا تے رکھا رہیا ۔مالاکنڈ، ہزارہ، پشاور، کوہاٹ، بنوں، کوئٹہ، مکران ڈویژن، اپر فاٹا اتے گلگت بلتستان اچ کجھ جئیں تے کھمنڑ دے نال مین وسیا ۔ سبھ توں ودھ مینھ ہ پاراچنار اچ29 ملی میٹر ریکارڈ کیتا گئے۔