صدر مملکت ممنون حسین نال اردن دے سبکدوش تھیونڑ آلے سفیر نواف خلیفہ صریرادی الوداعی ملاقات

اسلام آباد ۔ 28 فروری (اے پی پی) صدر مملکت ممنون حسین آکھیے جو پاکستان تے اردن وچال دوستانہ تے برادرانہ تعلقات ہن جیں کوں روزانہ ودھایا ویندا پے ۔اے گال انہاں بدھ کوں اردن دے سبکدوش تھیونڑ آلے سفیر نواف خلیفہ صریرا نال الوداعی ملاقات کریندے ہوئیں آکھی ۔صدر مملکت آکھیا جو اردن دے شاہ حسین پاکستان اچ بہوں مقبول شخصیت ہن تے انہاں کوں پاکستان اچ احترام تے ،محبت تے عظیم دوست دی نگاہ نال ڈٹھا ویندے ۔ انہاں آکھیا شاہ عبد اللہ وی انہاں دے قدم تے چلدے ہوئیں ڈوہیں ملکاں دی یاری کوں اگی تے ودھیندے پن ۔صدر ممنون حسین ڈوہیں ملکاں وچال تجارت دے ودھارے تے زور ڈیندے ہوئیں آکھیا جو ایندے اچ بہتری سانگے ڈوہیں ملکاں وچال تجارتی وفداں دا تبادلہ بہوں ضروری اے ۔ایں موقع تے صدر مملکت ڈوہیں ملکاں دے تعلقات دی مضبوطی دےے سلسلے اچ سبکدوش تھیونڑ آلے سفیر دی خدمات کوں سراہیا ۔