غیر ملکی دفاعی اتاشیاں دا لائن آف کنٹرول دا دورہ

راولپنڈی ۔ 23 فروری (اے پی پی) غیر ملکی دفاعی اتاشیاں لائن آف کنٹرول دا دورہ کیتے جتھاں پاک فوج انہاں کوں بھارتی اشتعال انگیزی تے بریفنگ ڈتی۔آئی ایس پی آر دے مطابق کنٹرول لائن دا دورہ کرنڑ آلیاں اچ امریکہ، برطانیہ، فرانس، چین، ترکی اتے انڈونیشیاءدے دفاعی اتاشی شامل ہن۔ غیر ملکی اتاشیاں کوں بھارتی فوج دی بربریت تے بریفنگ ڈتی گئی۔غیر ملکی اتاشیاں نال مقامی لوکاں اتے متاثرین نال وی ملوایا گیا جنہاں بھارتی فوج ولوں بلا اشتعال فائرنگ اتے ایندے توں پجنڑ آلے نقصان اتے اپنڑیاں مشکلاں بارے ڈصایا۔ غیر ملکی دفاعی اتاشیاں کوں پاک فوج دے آزاد کشمیر اچ ریلیف دے کم تے وی بریفنگ ڈتی گئی۔