وزیراعظم شاہد خاقان عباسی دا ترکمانستان دے شہر سرحت آباد اچ افتتاحی تقریب نال خطاب

اسلام آباد ۔ 23 فروری (اے پی پی) وزیراعظم شاہد خاقان عباسی آکھے جو الحمداللہ تاپی منصوبہ ہک حقیقت اچ بدلدا رپئے اتے ا یہ ہک تریخی موقع ہے جو خطے دے ملکاں دے تعلقات دی عکاسی کریندے، تاپی گیس پائپ لائن منصوبے نال خطے دے ملکاں د ے سڑک‘ ریل گاڈی ‘بجلی ‘ گیس ‘ آئی ٹی سمیت بئے مختلف شعبیاں اچ آپس دے رابطیاں اچ ودھارا تھیسی،امن و امان دی بحالی اتے معاشی تے اقتصادی ترقی اچ مدد ملسی،چین دے تعاون نال جاری سی پیک منصوبہ خطے دے ملکاں وچال رابطیاں کو ںفروغ ڈیسی، گوادر دی بندرگاہ توں تھیونڑ آلی اقتصادی سرگرمیاں دے نتیجہ اچ وسطی ایشیاءملکاں دے رابطیاں کوں ودھایا ویسی، سی پیک دے تحت موٹرویز بنڑاون نال سڑکاںنال رابطیاں دے نتیجے اچ خطے دی معاشی ترقی اچ مدد ملسی۔ وزیر اعظم شاہد خاقان عباسی ترکمانستان توں افغانستان دے رستے پاکستان اتے بھارت کوں گیس دی فراہمی سانگے پائپ لائن وچھاونڑ دے منصوبے (تاپی) ، بجلی دی ترسیل اتے آپٹکس دے منصوبیاں دے افتتاح دے موقع تے جمعہ کوں ترکمانستان دے شہر سرحت آباد اچ تقریب نال خطاب کر یندے پئے ہن ۔انہاں آکھیا جو ترکمانستان ‘افغانستان ‘ پاکستان اتے بھارت تاپی منصوبے دے شراکت دار ہن اتے ترکمانستان دے صدر قربان علی بردی محمدوف دے وژن نال تاپی گیس پائپ لائن دے منصوبے کوں انرجی اتے کمیونیکیشن کوںریڈور بنڑایا گئے ،جیندے نال خطے دے ملکاں وچال سڑک‘ ریل گاڈی‘بجلی ‘ گیس ‘ آئی ٹی سمیت بئے مختلف شعبیاں اچ آپس دے رابطیاں اچ ودھار تھیسی اتے خطے اچ امن و امان دی بحالی اتے معاشی تے اقتصادی ترقی اچ مدد ملسی۔انہاں آکھیا جو تاپی منصوبہ پاکستان دی توانائی دیاں ضرورتاں کوں پورا کرنڑ اچ مدد ڈیسی ۔ وزیراعظم آکھیا جو ملک اچ اقتصادی سرگرمیاں ودھاونڑ دے نتیجہ اچ اساڈی توانائی دیاں ضرورتاں وددھیاں رہیاں ہن اتے توانائی دی ضرورتاں دی تکمیل سانگے صرف تاپی منصوبہ کوں ہی مکمل کائناں کیتا ویسی بلکہ ایں حوالے نال کئی نویں منصوبے وی شروع کیتے ویندے پن۔ انہاں آکھے جوپاکستان اپنڑے مسئلیاں تے قابو کر تے اقتصادی ترقی دی رفتار تکھی کیتی ہے اتے جاری مالی سال سانگے قومی معیشت دی شرح نمو 6 فیصد تئیںپج ویسی۔ انہاں آکھیا جو چین دے تعاون نال شروع کیتا ونجنڑ آلا چین پاکستان اقتصادی راہداری منصوبہ (سی پیک) خطے دے ملکاں وچال آپس اچ رابطیاں کوں ودھیسی جڈانجو گوادر دی بندرگاہ توں تھیونڑ آلیاں اقتصادی سرگرمیاں دے نتیجہ اچ وسطی ایشیاءدے ملکاں وچال رابطیاں کوں ودھایا ویسی۔ انہاں آکھیا جو سی پیک دے تحت موٹرویز بنڑاون نال سڑک دے ذریعے رابطیاں دے نتیجہ اچ خطے دی معاشی ترقی اچ مدد ملسی۔ وزیراعظم آکھے جو پاکستان گزریل چار سال دے دوران 10ہزار میگا واٹ بجلی پیدا کیتی ہے جڈانجومنصوبہ دے تحت پورے ملک اچ سفری سہولتاں دے حوالے نال موٹرویز اتے ہائی ویز دا جال وچھایا ویندا پئے ۔ انہاں آکھیا جو پاکستان اپنڑی گیس وی گھٹکی تے قابو کر گھدے اتے تاپی منصوبہ دی تکمیل نال مستقبل اچ گیس دیاں ضرورتاںکوں پورا کرنڑ اچ مدد ملسی۔انہاں آکھیا جو پاکستان اچ سرمایہ کاری دے پرکشش مواقع موجود ہن اتے سرمایہ کاراں کوں سرمایہ کاری دے تحفظ ‘ منافع دی منتقلی سمیت امن وامان اتے استحکام دی ضمانت ڈتی ویندی ہے۔وزیراعظم آکھیا جو تاپی گیس منصوبے اتے انرجی تے کمیونیکیشن کوریڈور دے منصوبے کو ںپایہ تکمیل تئیں پجاونڑ دے حوالے نال سارے شراکت داراںخاص طور تے تاپی منصوبہ کوں حقیقت دا روپ ڈیونڑ دے سلسلے اچ ایشیائی ترقیاتی بینک دی معاونت تعریف دے قابل ہے۔تقریب اچ ترکمانستان دے صدر قربان علی بردی محمدوف‘ افغان صدر اتے بھارتی حکام وی شریک ہن۔