آرمی چیف جنرل قمر جاوید باجوہ پوزیشنیں گھنڑ آلے طالبعلماں کوں ایکسی لینس ایوارڈ ونڈین

راولپنڈی ۔ 23 فروری (اے پی پی) پاک فوج دے سربراہ جنرل قمر جاوید باجوہ آرمی پبلک سکول اینڈ کالج دے میٹرک اتے انٹرمیڈیٹ دے امتحاناں اچ پوزیشنیں گھنڑ آلے طالبعلماں کوں اکیڈمک ایکسی لینس ایوارڈ ڈتن۔آئی ایس پی آرموجب آرمی چیف تقریب اچ بطور مہمان خصوصی شرکت کیتی اتے پوزیشن گھنڑ آلے طلبہ، انہاں دے پیو ماءاتے استاداں کوں مبارکباد ڈتی۔انہاں آکھیے جونینگرساڈا اثاثہ ہین،انہاں دی کامیابی تے ساکوں مانڑ اے۔انہاں ملک اچ تعلیم دی چنگائی کیتے پورا ہتھ ونڈاونڑ دا عزم کیتے۔تقریب اچ طالب علماں، استاداں، والدین اتے فیکلٹی دی وڈی تعداد شریک تھئی۔