اسلام آباد ۔ 14 فروری (اے پی پی) الیکشن کمیشن اتے نیشنل ڈیٹا بیس و رجسٹریشن اتھارٹی رزلٹ ٹرانسمیشن سسٹم (آر ٹی ایس) منصوبہ اچ ہتھ ونڈاونڑ کیتے معاہدے تے دستخط کرڈتن۔معاہدے تے دستخط دی تقریب الیکشن کمیشن اچ تھئی۔الیکشن کمیشن ولوں سیکرٹری بابر یعقوب فتح محمد اتے نادرا ولوں چیئرمین عثمان یوسف مبین دستخط کیتن۔منصوبہ دے تحت نادرا الیکشن کمیشن کوں موبائل تے نتائج بنڑاونڑ کیتے تکنیکی رہنمائی ڈیسی۔ انتخابی ایکٹ 2017ءدے سیکشن 13 (2) پاروں پریذائیڈنگ آفیسرز اپنڑے موبائل فون توں براہ راست پولنگ سٹیشن کولوں الیکشن کمیشن یا ریٹرننگ آفیسر کوں ویلھے تے نتیجے بھجوا سگسن۔اے نظام آندے انتخابات اچ استعمال کیتا ویسی۔
