آندے 24گھنٹے اچ اسلام آباد، خیبر پختونخوا، فاٹا، اتلے پنجاب ،کشمیر اتے گلگت بلتستان اچ کہیں کہیںجاہ تے،کوئٹہ، ژوب اتے ڈیرہ غازی خان ڈویژنز اچ کجھ جہیں تے کھمنڑ نال مینھ تے پہاڑاں تے برف پوونڑ دا امکا ن اے

اسلام آباد ۔ 11 فروری (اے پی پی) محکمہ موسمیات آکھیے جو آندے 24گھنٹے دے دوران اسلام آباد، خیبر پختونخوا، فاٹا، اتلے پنجاب ،کشمیر اتے گلگت بلتستان اچ کہیں کہیںجاہ تے جڈاں جو کوئٹہ، ژوب اتے ڈیرہ غازی خان ڈویژن اچ کجھ جہیں تے کھمنڑ نال مینھ تے پہاڑاں تے برف پوونڑ دا امکان اے ۔اتوار کوں محکمہ موسمیات دی جاری رپورٹ دے مطابق اتوار اتے سنوار کوں خیبر پختونخواہ، فاٹا،اتلے پنجاب بشمول راولپنڈی، سرگودھا، گوجرانوالہ، فیصل آباداتے لاہور ڈویژن، کوئٹہ تے ژوب ڈویژن، اسلام آباد،کشمیر تے گلگت بلتستان اچ کہیں کہیں جاہ تے جڈں جو پہاڑاں تے برف پوونڑ دا امکان اے۔ اتوار کوں ریکارڈ کیتی گی ٹھڈی جاہ دے درجہ حرارت دے مطابق سکردو منفی 06، پارا چنار منفی 04، مالم جبہ اتے گوپس اچ درجہ حرارت منفی03 ڈگری سینٹی گریڈ ریکارڈ کیتا گیا ۔گزریل 24 گھنٹے دے دوران مالاکنڈ، بنوں،کوئٹہ ،ژوب تے قلات ڈویژن اچ کجھ جہیں تے مینھ تے پہاڑاں تے برف باری جڈاں جو پشاور، بہاولپور، ڈی جی خان اتے کراچی ڈویژن اچ ہلکا مینھ وسیا۔