اسلام آباد ۔ 22 فروری (اے پی پی) محکمہ موسمیات دے مطابق آندے 24 گھنٹیاں دے دوران ملک دے اکثر علاقیاں اچ موسم ٹھڈا تے رکھا راہسی۔ کوئٹہ اتے ژوب ڈویژن اچ کڈاہیں کڈاہیں کھمنڑ دے نال مینھ وسنڑاتے پہاڑاں تے برفباری دا امکان ہے۔ رپورٹ مطابق گزریل 24 گھنٹیاں دے دوران ملک دے اکثر علاقیاں اچ موسم ٹھڈا تے رکھا رہے ۔ مالاکنڈ، ہزارہ، راولپنڈی ڈویژن، بالائی فاٹا، گلگت بلتستان اتے کشمیر اچ کجھ جئیں تے مینھ وسیا ۔ سبھ توں ودھ مینھ کالام اچ 17 ملی میٹر، دیر12، پاراچنار11، میرکھانی9، چترال5، دروش4، لوئردیر2، بالاکوٹ ایک، بگروٹ3، گوپس2، راولاکوٹ2،گڑھی دوپٹہ ہک اتے مری اچ 2 ملی میٹر ریکارڈ کیتا گئے۔
