اقوام متحدہ اچ پاکستان کی مستقل مندوب ڈاکٹر ملیحہ لودھی دا امن مشنزسانگے افرادی قوت ڈیونڑ آلے ملکاں دے اجلاس توں خطاب

APP05-09 NEW YORK: February 09 - Pakistan's Ambassador to the UN, Maleeha Lodhi with UN Under Secretary General Jean Pierre La Croix and Moroccan Ambassador Omar Hilale before the start of meeting of the Group Of Friends Of Troop And Police Contributing Countries which Pakistan and Morocco established last year. APP

اقوام متحدہ ۔ 9 فروری (اے پی پی) پاکستان اقوام متحدہ دے امن دستے اچ شامل اہلکاراں دے تحفظ کوں یقینی بنڑاونڑ دا مطالبہ کر ڈتے ۔اے مطالبہ اقوام متحدہ اچ پاکستان دی مستقل مندوب ڈاکٹر ملیحہ لودھی عالمی ادارے دے امن مشن سانگے افرادی قوت فراہم کرنڑ آلے ملکاں دے اجلاس اچ بطور شریک چیئرپرسن افتتاحی خطاب کریندے ہوئیں کیتا۔ اپنڑے خطاب اچ انہاں گزریل سال دے دوران اقوام متحدہ دے امن مشن اچ شامل سیکورٹی اہلکاراں دی ریکارڈ موت تے تشویش دا اظہار کیتا ۔ امن دستیں دے اہلکاراں دا تحفظ اتے سلامتی اجتماعی ذمہ واری ہوونڑیں چاہیدی اے جیں سانگے زمینی صورت حال ،مینڈیٹ تے ایندے مطابق اقداما ت دے حوالے نال سانجھی اپروچ دی ضرورت ہے ۔اقوام متحدہ دے امن مشنزسانگے افرادی قوت فراہم کرنڑ آلے ملکاں دا گروپ پاکستان اتے مراکش گذریل سال قائم کیتا ہئی ایندا مقصد انہاں ملکاں وچال رابطے دا ودھارا تے سلامتی دےے حوالے نال سامنڑے آونڑ آلے نویں چیلنجز تے رل تے غور کرنڑاں ہئی۔ پاکستانی مندوب اپنڑے خطاب اچ ایں رپورٹ دی وی تعریف کیتی جیرھا جو امن مشن دے اہلکاراں دے تحفظ تے سلامتی دے حوالے نال انہاں اقدامات تے مبنی ہے جیرھا جو اجوکے عرصے اچ کیتے گن ۔اے رپورٹ برازیلی فوج دے ریٹائرڈ لیفٹیننٹ جنرل کارلوس البرٹو ڈوس سانتوز کرز تیار کیتی ہے۔انہاں ایں معاملے تے گال بات سانگے ملاقات تے آمادگی تے اقوام متحدہ دے انڈر سیکرٹری جنرل جین پیری لا کرکس دا وی شکریہ اداکیتا۔ انڈر سیکرٹری جنرل جین پیری لا کرکس ایں موقع تے اجلاس دے شرکاءکوں بریفنگ وی ڈتی ۔اجلاس اچ اقوام متحدہ دے امن دستیں سانگے وڈے پیمانے تے افرادی قوت فراہم کرنڑ آلے ملکاں بشمول بنگلہ دیش، اٹلی، ایتھوپیا، یوروگوائے، سینیگال اتے انڈونیشیادے سفیراں شرکت کیتی۔ اجلاس دے دوران تھیونڑ آلی بحث اچ چین، گویانا اتے برکینا فاسو دے سفیراں وی حصہ گھدا۔