اسلام آباد ۔ 21 فروری (اے پی پی) الیکشن کمیشن چیف الیکشن کمشنر جسٹس (ر) سردار محمد رضا نال جسٹس (ر) وجیہ الدین احمد دے ناشائستہ رویہ دی مذمت کریندے ہوئیں آکھیے جو جسٹس (ر) وجیہ الدین احمد الیکشن کمیشن دی ساکھ مجروح کرنڑ دی کوشش کیتی اے۔الیکشن کمیشن دے ترجمان ہارون خان شنواری آکھیے جو الیکشن کمیشن اچ بدھ کوں کاز لسٹ تے جسٹس (ر) وجیہ الدین احمد دے کیس دا ستواں نمبر ہا بھل او دیر نال آئن اتے ایں سانگے پیشگی وی نئیں ڈسایا۔ چیف الیکشن کمشنر اتے اراکین انتظار توں بعد اپنڑے چیمبر لگے گین۔بعد اچ جسٹس (ر) وجیہ الدین احمددی دروکاست تے انہاں کوں چیف الیکشن کمشنر نال ملنڑ دی اجازت ڈتی گئی۔الیکشن کمیشن کہیں توں مرعوب نہ تھیسی اتے کمیشن دے سارے ملازمین جسٹس ریٹائرڈ وجیہہ الدین دے رویہ دی مذمت کریندن، جسٹس (ر) وجیہ الدین احمد جیہڑے الزام لائن او غلط اتے بے بنیاد ہین۔ڈوجھے پاسو چیف الیکشن کمشنر نال ملنڑ توں بعد جسٹس (ر) وجیہ الدین احمددا آکھنڑ ہا جو او چیف الیکشن کمشنر دے خلاف سپریم جوڈیشل کونسل ویسن۔
