کوٹلی ۔ یکم فروری (اے پی پی) بھارتی فوج خمیس آلے ڈینہہ سویلے اٹھ وجے سرحدی علاقیاں دے نیڑے شہری آبادی کون نشانہ بنڑائے جیں پاروں اٹھ کشمیری زخمی تھی گین جنہاں اچوں چار دی حالت تشویشناک اے۔بھارتی فوج ولوں کھوئی رٹہ سیکٹردے علاقیاں جوگالپال،چتر،خانپور، جنجوٹ بہادراتے کھینٹی تے شدید گولہ باری کیتی گئی۔ ایں سانگے فاروق،آمنہ الیاس،احتشام،شاہنواز،تصرف بیگم،شبینہ ابرار،محمد اصغراتے شہناز زخمی تھین۔زخمیاں کوں تحصیل ہیڈ کوارٹر ہسپتال کھوئی رٹہ پچا ڈتا گئے۔چار زخمیاں دی حالت تشویشناک ہوونڑ تے انہاں کوں ڈسٹرکٹ ہیڈ کوارٹر ہسپتال کوٹلی منتقل کیتا گئے۔زخمیاں اچوں ودھ نازک حالت پاروں ہک زخمی تریمت آمنہ کوں راولپنڈی بھجوا ڈتا گئے۔
