راولپنڈی ۔ 23 فروری (اے پی پی) بھارتی فوج دی لائن آف کنٹرول (ایل او سی) تے بلا اشتعال فائرنگ نال 19 سالہ نینگر شہید تھی گئے۔ پاک فوج دے شعبہ تعلقات عامہ (آئی ایس پی آر) موجب بھارتی فوج لائن آف کنٹرول دے نیڑے تیتری اچ بلااشتعال فائرنگ کیتی جیندے اچ ہک نینگر شہید تھی گئے۔شہید تھیونڑ آلا نوجوان انضمام امین تیتری اچ کرش پلانٹ تے کم کریندا کھڑا ہا۔جواب اچ پاک فوج بھرپور جوابی کارروائی کیتی اتے بھارتی چوکی کوں نشانہ بنڑائے۔
