اسلام آباد ۔ 28 فروری (اے پی پی) پاکستان آکھیے جو بھارت اچ ڈیموکریسی کائنی شیمو کریسی اے،بھارتی آرمی چیف دے بیان جنگی تے پاکستانی فنکاراں تے پابندی بیمار زہنیت دی عکاسی ہن،پاکستان گرے لسٹ اچ آگے لیکن بلیک لسٹ اچ شامل کرنڑ دا کوئی خطرہ کائنی۔دفاعی صلاحیت اچ توسیع پسندانہ عزائم دے تناظر اچ بھارتی ڈورن ٹیکنالوجی خطے اچ امن سلامتی سانگے تشویشناک اے ،لیکن اساڈی مسلح فوج کہیں وی خطرے دا منہ بھن جواب ڈیونڑ دی ودھ ساری صلاحیت رکھیندی اے ۔افغان مسئلے دا فوجی حل ممکن کائنی ۔بدھ کوں دفتر خارجہ دے ترجمان ڈاکٹر محمد فیصل ہفتہ وار پریس بریفنگ دے دوران بھارتی آرمی چیف دے پاکستان تے الزاماں تے بیاناں کوں بے بنیاد تے جنگی ذہنیت دی عکاسی کریندن ۔ترجمان آکھیا جو اوبھارت دے جارحانہ عزائم دے باوجود پاکستان بہوں صبر کریندا پے ۔ترجمان انڈین موشن پکچرز پروڈیوسرز ایسوسی ایشن ولوں پاکستانی فنکاراں تے پابندی برقرار رکھنڑ دے فیصلے کوں افسوسناک قرار ڈتا تے آکھیا جو آرٹ تے سینما جیرھے جو لوکاں کوں ہک ڈوجھے دے نیڑے آونڑ دا باعث بنڑدن ،بھارت اینکوں وی نفرت دی بھینٹ چڑھا ڈتا ۔ترجمان آکھیے جو بھارت ولوں پاکستان زائرین کوں وزیرے ،سکھ تے ہندو زائرین کوں کٹاس راج دے دورے دی اجازت ڈیونڑ توں انکار تے سپورٹس میچاں دی منسوخی سمیت بئے مخاصمانہ اقدامات نویں دہلی دی ڈیمو کریسی کائنی بلکہ شیمو کریسی کوں نشابر کریندی پئی اے ۔ پاک امریکہ تعلقات دے حواے نال ترجمان آکھیا جو پاکستان تے امریکہ تعاون جاری رکھنڑ دی غرض نال سانجھے گراﺅنڈ سانگے کوشاں ہن ۔ امریکی قومی سلامتی کونسل اچ سینئر ڈائریکٹر لیزا کرٹس دا اجوکا دورہ پاکستان ایں خواہش دا اظہار اے ۔ترجمان آکھیا جو اجوکے دورے دے دوران پاکستان تے امریکہ افغانستان کوں مستحکم کرنڑ دے سانجھے مقصد دے حصول سانگے رل تے کم کرنڑ دی خواہش ظاہر کیتی اے ۔
