اسلام آباد ۔11 فروری (اے پی پی)وفاقی وزیر قومی صحت سائرہ افضل تارڑ آکھیے جو 2013اچ جڈاں موجودہ حکومت اقتدار سانبھیا تاں ایں وقت پولیو ہک کھنڈا ہویا چیلینج ہا تاں جو حکومت ولوں کیتیاںگیاں کوششاں پاروں 2017اچ پولیو دے صرف 8کیس سامنڑے آئے ہن جڈاں جو اجوکے مالی سال کوئی کیس سامنڑے کائنی آیا ۔وفاقی وزیر آکھیا جو لوڈشیڈنگ ، دہشت گردی ، کراچی اچ امن دی صورتحال پولیو دے چیلنج نال وی ٹھوس فیصلے، عزم اتے چنگی حکمرانی کریندے ہوئیں نبیڑیا ہے ۔ وفاقی وزیر 2018اچ ڈوجھی پولیو مہم دے شروع اچ اپنڑے پیغام اچ آکھیا جو بلوچستان دے چارضلعیں قلع عبداللہ ، قلع سیف اللہ ، ژوب، شیرانی اتے کراچی اچ پولیو مہم دا آغاز 19فروری کوں تھیسی۔ ضلع لودھراں اچ پولیو مہم دا آغاز 14فروری کو ںضمنی الیکشن دے بعد تھیسی۔ انسداد پولیو مہم پروگرام دے تحت ملک اچ 05 سال توں گھٹ عمر 38.37ملین بالاں کوں پولیو دے قطرے پلائے ویسن جیں اچوں 19.15ملین پنجاب ، 8.7ملین سندھ ، 5.7ملین کے پی کے ، 2.46ملین بلوچستان ، 1.03فاٹا ، 0.74ملین آزاد جموں کشمیر ، 0.237گلگت بلتستان تے اسلام آباد دے 0.313ملین بالاں کوں پولیوتوں بچاونڑ دے قطرے پلائے ویسن ۔
