ایبٹ آباد۔ 12 فروری (اے پی پی) ڈپٹی سپیکر قومی اسمبلی مرتضیٰ جاوید عباسی خیبر پختونخوا اچ مسلم لیگ (ن) ہک وڈی سیاسی قوت بنڑ تے ابھردی اے، پارٹی قیادت دے مدبرانہ فیصلیں دی وجہ توں صوبے اچ اپوزیشن جماعتاں دے ارکان اسمبلی حکومتی جماعتاں دی بجائے مسلم لیگ (ن) اچ شامل تھیندے پن جیرھا جو پارٹی تے بھرپور عوامی اعتماد دا مظہر اے۔ نملی میرا اچ عوامی کٹھ نال خطاب کریندے ہوئیں مرتضیٰ جاوید عباسی آکھیے جو صوابی توں بابر سلیم، ہری پور توں گوہر نواز خان اتے مردان توں جمشید خان دا مسلم لیگ (ن) اچ شامل تھیونڑ مسلم لیگ (ن) تے بھرپور عوامی اعتماد دا مظہر ہے، صوبہ دے عوام تحریک انصاف دی صوبائی حکومت توں نالاں تھی گن، تحریک انصاف دی کارکردگی توں مایوس تھی تے لوک جوق در جوق مسلم لیگ (ن) اچ شامل تھیندے پن، صوبہ خیبر پختونخوا اچ اگی تے مسلم لیگ (ن) دی حکومت ہو سی۔ انہاں آکھیا صوبہ دے عوام تحریک انصاف اتے مسلم لیگ (ن) ڈوہیں دا موازنہ کرگھدا ویسی ، تحریک انصاف صوبے دے عوام کوں مایوسی دے سوا کجھ نی ڈتا ۔
