اسلام آباد ۔ 22 فروری (اے پی پی) وزیر داخلہ احسن اقبال آکھیے جو محدود وسائل دے باوجود دہشتگردی دے خلاف کامیابیاں گھدن،دہشتگردی مکاونڑ کیتے ساڈیاں فوجاں اتے سیکیورٹی اداریاں دا کردار پوری دنیا کیتے مثال اے۔ او اسلام آباد اچ ایس ڈی پی آئی ولوں ہک سیمینار نال خطاب کریندے پئے ہن۔ انہاں آکھیے جوپاکستان کون خطرناک ملک قرار ڈتا ویندا پیا ہا بھل اج اے کوئی نئیں آکھ سگدا،اج حالات بہوں چنگے تھی گین اتے پاکستان کوں ابھردی معیشت گنڑیا ویندا پئے۔انہاں آکھیے ساڈیاںمسلح افواج اتے سول آرمڈ فورسز دہشتگرداں دی کنڈھ بھن ڈتی اے ، اے کامیابیاں پوری دنیا کیتے مثال ہین۔وزیر داخلہ دا آکھنڑ ہا جتھاں امن اتے استحکام نہ ہوسی اتھاں ترقی اتے اصلاحات نئیں تھی سگدیاں،اصلاحواں کیتے غیر معمولی فیصلے کرنڑے پوندن بھل اتھاں فیصلیاں داخراج ڈیونڑا پوندے، ساکون اپنڑے انداز بدلنڑے ہوسن۔انہان آکھیے جو امن و امان اتے ترقی کیتے پولیس دا کردار بہوں اہم اے وفاقی پولیس اچ اصلاحات نال ایکوں مثالی پولیس بنڑایا ویسی۔
