رائل ملائشین نیوی دے چیف دی پاک بحریہ دے سربراہ ایڈمرل ظفر محمود عباسی نال ملاقات

APP36-19 ISLAMABAD: February 19 - Chief of the Naval Staff, Admiral Zafar Mahmood Abbasi exchanging views with Admiral Tan Sri Ahmad Kamarulzaman Hj Ahmad Badaruddin, Chief of Royal Malaysian Navy at Naval Headquarters. APP

اسلام آباد ۔ 19 فروری (اے پی پی) رائل ملائشین نیوی دے چیف ایڈمرل تان سری احمد قمرالزمان حاجی احمد بدرالدین نیول ہیڈ کوارٹرزاسلام آباددا دورہ کیتے۔ انہاں پاک بحریہ دے سربراہ ایڈمرل ظفر محمود عباسی نال مالقات کیتی۔ایں موقعے تے نیول ہیڈ کوارٹرز آونڑ تے پاک بحریہ دے سربراہ رائل ملائشین نیوی دے چیف دا استقبال کیتے۔ پاک بحریہ دے چاق و چوبند دستے معزز مہمان کوں سلامی ڈتی۔معزز مہمان دا نیول ہیڈ کوارٹرز اچ تعینات پرنسپل سٹاف آفیسرزنال تعارف کرایا گئے۔ رائل ملائشین نیوی دے چیف ایڈمرل تان سری احمد قمرالزمان حاجی احمد بدرالدین پاک بحریہ دے سربراہ نال ملاقات کیتی۔ملاقات اچ پیشہ ورانہ اُموراتے ڈو طرفہ بحری اشتراکیت تے تبادلہ خیال کیتا گئے۔ڈوہاں ملکاں دی بحریہ وچال تعاون دے مختلف شعبے وی زیر غور ہین۔ دہشت گردی دے خلاف جنگ اچ پاکستان دے عزم اتے کردار بالخصوص کولیشن میری ٹائم کمپین پلان اتے بحری قزاقی دے خاتمے کیتے آپریشنزاچ شرکت تے گالھ مہاڑ کیتی۔معزز مہمان کوں کثیرالقومی ٹاسک فورسز150اور151دی پاک بحریہ دے اعلیٰ آفیسرزولوں کمانڈزدی متعدد مدت تے گالھ مہاڑ کیتی۔ملاقات توں بعد علاقائی مسائل بارے پاک بحریہ دے نقطہ نظر اتے بحر ی امن و استحکام سانگے پاک بحریہ دے کردارتے معزز مہمان کوں بریفنگ ڈتی گئی۔ایں دوران رائل ملائشین نیوی دے چیف نیول ہیڈ کوارٹرز اسلام آباداچ یادگارِ شہداءتے پھلاں دی چادروی چڑھائی۔ نیول ہیڈ کوارٹرزدے دورے توں بعد ایوانِ صدر اچ ہک شاندار تقریب تھئی جیندے اچ صدر ِ پاکستان جناب ممنون حسین رائل ملائشین نیوی دے چیف ایڈمرل تان سری احمد قمرالزمان حاجی احمد بدرالدین کوں پاکستان دے اعلیٰ ترین عسکری اعزاز نشانِ امتیاز (ملٹری) نال نوازیے۔ انہاں کوں اے اعزاز پاکستان اتے ملیشیاءبالخصوص ڈوہاں ملکاں دی بحری افواج وچال برادرانہ تعلقات کوں مضبوط بنڑاونڑ کیتے پر خلوص کردار تے ڈتا گئے۔