اسلام آباد ۔ 20 فروری (اے پی پی) وزیر مملکت برائے داخلہ طلال چوہدری آکھیے جو زینب قتل کیس اچ پکڑیے گئے مجرم دے بنک اکاونٹس اتےھ ایں معاملے اچ ہک وزیر دے ملوث ہوونڑ بارے جے آئی ٹی رپورٹ 28 فروری تئیں سپریم کورٹ اچ پیش کیتی ویسی۔قومی اسمبلی اجلاس اچ توجہ ڈیواو نوتس دے جواب اچ انہاں آکھیے جو اینکرڈاکٹر شاہد مسعودہک پروگرام اچ مجرم دے بنک اکاو ¿نٹس اتے ہک وزیر دے ملوث ہوونڑ دا دعویی کیتا ہا جیندے تے سپریم کورٹ وی نوٹس گھدا ہا۔ایں معاملے تے ڈی جی ایف آئی اے دی سربراہی اچ ترائے رکنی جے آئی ٹی بنڑائی گئی۔اے معاملہ عدالت اچ زیر سماعت اے اتے تحقیقات وی تھیندیاں پن، جے آئی ٹی دے سربراہ یقین ڈیوائے جو معاملے دی رپورٹ ایں مہینے دے چھیکڑ تئیں سپریم کورٹ اچ پیش کرڈتی ویسی جیندے تے فیصلہ سپریم کورٹ ہی کریسی۔
