اسلام آباد ۔ 9 فروری (اے پی پی) پاکستان آکھیے جو سٹریٹجک استحکام خطے دے ملکاں دی سانجھی ذمے واری ہے ، پاکستان اچ بھارت دیاں تخریبی سرگرمیاں کہیں توں لکیاں ہویاں کائنی ،کلبھوشن کیس پاکستان اچ بھارتی مداخلت دا واضح ثبوت اے۔خلائی ٹیکنالوجی ہر ملک دا حق ہے لیکن اے پر امن مقصد سانگے ہوونڑاں چاہیدے ۔پاکستان دا وی پر امن مقصد سانگے مستحکم خلائی پروگرام جاری ہے۔پاکستان پر امن ہمسائیگی تے یقین رکھیندے ،اساڈی مسلح فوج بھارت دی کہیں وی جارحیت دا منہ بھن جواب ڈیونڑ دی پوری صلاحیت رکھیندی اے ۔جمعے کوں دفتر خارجہ دے ترجمان ڈاکٹر محمد فیصل ہفتہ وار پریس بریفنگ دے دوران گال بات کریندے ہوئیں آکھیے جو خلائی ٹیکنالوجی ہر ملک داحق ہے لیکن اے پر امن مقصد سانگے ہووے۔پاکستان خطے اچ اسلحے دی دوڑ دے خلاف اے۔بھارت دے خلائی ٹیکنالوجی اتے میزائل پروگرام نال خطے اچ طاقت دا توازن خراب تھیسی۔ترجمان آکھیے جو پاکستان اچ بھارت دیاں تخریبی سرگرمیاں تے سی پیک منصوبے کوں ضیان پجاونڑ دیاں کوششاں کہیں توں لکیاں ہویاں کائنی تاں جو پاکستان پر امن ہمسائیگی تے یقین رکھیندے ۔کلبھوشن دے حوالے نال ہک سوال دا جواب ڈیندے ہوئیں ترجمان آکھیا جو بھارتی جاسوس کمانڈر کلبھوشن یادیو کوں پاکستان اچ دہشت گردی اتے تخریب کاری دیاں سرگرمیاں اچ ملوث ہوونڑ تے سزا ملنڑیں چاہیدی اے۔بھارت ا ج تئیں ایں گال دا جواب نی ڈے سگیا جو کلبھوش یادیو ڈے مبارک حسین دا پاسپورٹ کتھوں آئے۔ ترجمان آکھیا جو اساں گزریل سال جنوری اچ کلبھوشن دی ریٹائرمنٹ متعلق دستاویزات بھارت توں منگیاں لیکن حالی تئیں کائنی ملیاں، کلبھوشن مزید تخریبی سرگرمیاں دا اعتراف کیتے۔افغانستان متعلق ہک سوال دا جواب ڈیندے ہوئیں ترجمان آکھیا جو افغان مسئلے کوں صرف افغان حکومت تے عوام دی قیادت اچ پر امن مذاکرات نال ہی حل کیتا ونج سگدے ۔انھاں آکھیا پاکستان حزب اسلامی اتے افغان حکومت وچال امن معاہدے دی پوری حمایت کریندے تے طالبا ن دے بئے گروپاں نال وی ایں طرح دے مذاکرات تھیونڑیں چاہیدن ۔ترجمان آکھیے جو پاک افغان سانجھے ورکنگ گروپ دے اجلاس اچ شرکت دی غرض نال افغان وفد اسلام آباد اچ موجود ہے۔مہاجرین دی باعزت واپسی اجلاس دے ایجنڈے اچ سرفہرست ہے۔
