اسلام آباد ۔ 11 فروری (اے پی پی) سپیکر قومی اسمبلی سردار ایاز صادق اتے ڈپٹی سپیکر مرتضی جاوید عباسی سپریم کوٹ بار دی سابق صدر تے ماہر قانون عاصمہ جہانگیر دی اچانک فوتگی تے ڈکھ دا اظہار کیتا ۔اتوار کوں اپنڑے تعزیتی بیان اچ ڈوہیں رہنماواں آکھیا جو عاصمہ جہانگیر ہک بہادر اتے دلیر تریمت ہن انہاں جمہوریت دی بحالی تے تریمتاں دے حقوق سانگے ودھ ساریاں قربانیاں ڈتیاں ۔ سپیکر قومی اسمبلی آکھیا جو عاصمہ جہانگیر دی ملک سانگے ڈتی ونجنڑ آلی قانونی اتے معاشرتی خدمات کوں ہمیشہ یاد رکھیا ویسی ۔سپیکر تے ڈپٹی سپیکر مرحومہ دے روح دے ایصال ثواب اتے لواحقین سانگے صبر دی دعا کیتی ۔
