سکیورٹی دی صورتحال اچ بہتری پاروںپاکستان غیرملکی سرمایہ کاری سانگے پرکشش جاہ بنڑ گے،وفاقی وزیر داخلہ احسن اقبال

واشنگٹن ۔ 7 فروری (اے پی پی) وفاقی وزیرداخلہ احسن اقبال آکھیے جو سیکورٹی دی صورت حال اچ بہتری پاروں پاکستان اچ غیر ملکی سرمایہ کاری سانگے پرکشش مقام بنڑ گے ۔او واشنگٹن اچ کیپٹل ہل دی جاہ تے سینیٹرگراہم لنڈسے نال گال بات کریندے پے ہن ۔وزیرداخلہ احسن اقبال آکھیا پاکستان افغانستان اچ قیام امن سانگے امریکہ دے نال کم کرنڑ چاہندے کیوں جو افغانستان اچ مسلسل عدم استحکام پاروں پاکستان دے معاشی تے سلامتی دے شعبے اچ حاصل کیتیاں گیاں کامیابیاں کوں خطرہ ہے ۔ایں موقع تے سینیٹرگراہم وزیرداخلہ نال اتفاق کیتا جوافغانستان اچ قیام امن دے حصول سانگے پاکستان اتے امریکا وچال پائیدار رابطہ ناگزیر ہن ۔ملاقات دے دوران ڈو پاسے تعلقات تے علاقائی صورت حال تے گال بات تھی ۔