اسلام آباد ۔ 8 فروری (اے پی پی) سینیٹ اچ قائد ایوان اتے مسلم لیگ (ن) دے چیئرمین سینیٹر راجہ ظفر الحق نال خمیس کوں پاکستان اچ مصر دے سفیر احمد محمد فیدل یعقوب ملاقات کیتی جیں اچ ڈو پاسے سانجھی دلچسپی دے امور تے گال بات کیتی گی ۔ایں موقع تے غیر ملکی سفیر نال گال بات کریندے ہوئیں راجہ محمد ظفر الحق آکھیا پاکستان مصر دے نال تعلقات کوں وڈی اہمیت ڈیندے ۔ ڈوہیں ملک مذہبی ، ثقافتی اتے تاریخی رشتے اچ گھنڈیے ہوئے ہن ۔انہاں آکھیا جو مسلم امہ کوں درپیش مسلیں دے حل سانگے رل تے کردار ادا کرنڑاں چاہیدے کیوں جو مسلم امہ دے مسئلے دا حل اسلامی ملکاں دے گھٹ جوڑ نال ہے ۔
