اسلام آباد ۔ 9 فروری (اے پی پی) پاک بحریہ دے سربراہ ایڈمرل ظفر محمود عباسی آکھیے جو شجر کاری دا مقصد آونڑ آلیاں نسلاں کوں چنگا ماحول ڈیونڑ اتے موسمیاتی تبدیلیاں توں بچاونڑ اے، ساکوں ہر کہیں کوں ہک ہک درخت لاونڑ دا وعدہ کرنڑا چاہیدے۔او جمعہ کوں نیول ہیڈ کوارٹرز اچ بوٹا لاءتے موسم ِ بہار شجر کاری مہم 2018ءدا افتتاح کیے۔انہاں شجر کاری مہمات دی اہمیت ڈسائی جیندے نال اساں فطرت دے نال اپنڑے گانڈھے کوں مضبوط کر سگدے ہیں۔ایڈمرل ظفر محمود عباسی ور ڈتے جو پوری قوم ایں مقصد کیتے اگو تے آوے اتے آونڑ آلی نسل کوں چنگا ماحول ڈیونڑ کیتے ہک ہک درخت لاونڑ دا عزم کیتا ونجے۔پاک بحریہ سرسبز پاکستان پروگرام اچ حصہ پاونڑ کیتے ایں موسم بہار اچ مغرب اچ جیونی توں گھن تے مشرق اچ سرکریک تئیں اپنڑیاں یونٹس اتے ایریاز آف ریسپنسیبلٹی اچ وڈے پیمانے تے شجر کاری کرنڑ دا ارادہ کیتے۔ایں سانگے پا ک بحریہ ساحل دی صفائی، بحری آلودگی مکاونڑ کیتے آگہی مہم وی چلیسی۔
