صدر مملکت ممنون حسین نال ترکی، جنوبی کوریا اتے ملائشیا دے سفارتکاراں دی ملاقات

پاکستان سارے ملکاں نال دوستانہ اتے برادرانہ تعلقات چاہندے، صدر مملکت ممنون حسین دی گال مہاڑ
اسلام آباد ۔ یکم فروری (اے پی پی) صدر مملکت ممنون حسین نال ترکی، جنوبی کوریا اتے ملائشیا دے سفارتکاراں ملاقات کیتی اتے انہاںکوں اپنڑیاں سفارتی اسناد پیش کیتاں۔ اسناد پیش کرنڑ کیتے ایوان صدر اسلام آباد اچ ہک خصوصی تقریب تھئی۔ ترکی دے سفیر احسن مصطفی یرداکل، کوریادے سفیر کواک سنگ کیو اتے ملائیشیا دے ہائی کمشنر اکرام بن محمد ابراہیم صدر ممنون حسین نال انجھ انجھ ملاقات وی کیتی ایں موقعے تے صدر مملکت دا آکھنڑ ہا جو پاکستان سارے ملکاں نال دوستانہ اتے برادرانہ تعلقات چاہندے، امید اے جو سفارتکار پاکستان نال اپنڑے اپنڑے ملکاں دے تعلقات دے ودھارے کیتے بھرپور کوششاں کریسن۔انہاں آکھیے جو حکومت دیاں بہترین معاشی پالیسیاں پاروں پاکستان اچ سرمایہ کاری دے ودھ موقعے موجود ہین جیندے توں غیر ملکی سرمایہ کاراں کوں فیدہ چاونڑا چاہیدے۔