اسلام آباد ۔ 18 فروری (اے پی پی) ہک نجی ٹی وی کون انٹر ویو ڈیندے ہوئیں وزیر اعظم شاہد خاقان عباسی آکھیے جو مجھے کڈاہیں نوازشریف یا کہیں بئے ڈکٹیشن نئیں ڈتی،میں ریڈ لائن پار کرنڑ آلا بندہ نمی میڈی رید لائن صرف آئین اے،مین وزیر اعظم بنڑن دی پہلے خواہش کیتی ہئی نہ اگو تے ہے،جڈاں وی فیصلے کیتن متفقہ کیتن۔وزیراعظم آکھیے جو نوازشریف دی نااہلی دی وجہ کوئی خامی نئیں ،آندے انٹخابات اچ عوام جو وی فیصلہ کریسن اوہو اصل فیصلہ ہوسی۔انہاں آکھیے جو سینیٹ انتخابات ویلھے تے تھیس،جیہری جماعت دا ہک وی صوبائی اسمبلی رکن نئیں، جیکر او امیدوار کھڑا کریسی تاں اے پارٹی ٹریڈنگ اے،الیکشن کمیشن کوں ایندا نوٹس گھنڑا چاہیدے۔وزیراعظم آکھیے جو صدارتی نظام اچ پاکستان دے معاملات چلاونڑممکن نئیں ،اے پاکستان دے وجود کیتے خطرہ اے۔وزیراعظم آکھیے جو میں عمران خان دی پرواہ نئیں کریندا،ایل این جی دا ساڈا کنٹریکٹ پوری دنیا اچ سستا اے اتے ایندے ریٹ بھارت توں وی گھٹ ہین،شیخ رشید منہ تے گالھ کرتے ڈکھاون،میڈے اثاثے وزیراعظم بنڑن توں بعد نئیں ودھیے،مین اقتدار اچ اے تاثر چھور تے ونجنڑ چاہندان جو میڈی حکومت شفاف ہئی جیں مینڈیٹ دے مطابق ملک دی خدمت کیتی۔وزیراعظم آکھیے جو سیاسی عدم استحکام نال خرابیاں تھیندن،جیکر اے عدم استحکام نہ ہوندا تاں ملک بیا ترقی کریندا،اساں آئی ایف کولوں قرض گھنڑ کیتے ناں ویسوں۔ہک سوال دے جواب اچ وزیر اعظم آکھیے جو میں اپنڑی پارٹی اتے نوازشریف دے نال کھڑاں، جیکر عوام انہاں کوں مقبول لیڈر منیندن تاں ایندے کہیں کوں کیا اعتراض تھی سگدے۔انہان آکھیے جو نگران ویزراعظم کیتے مشاورت کیتی ویسی، اے اینجھاں بندہ ہوسی جیندے تے کوئی انگل نہ چاءسگے،ایندا فیصلہ مئی دے چھیکڑ تئیں کر گھدا ویسی۔
