اسلام آباد ۔16 فروری (اے پی پی) وزیر مملکت داخلہ طلال چوہدری آکھیے جو لیبیا اچ کشتی دے حادثے اچ جاں بحق تھیونڑ آلے لوک غیرقانونی طور تے گے ہن۔ جمعہ کوں ایوان بالا اچ سوالاں دے وقفے دے دوران سینیٹر سراج الحق دے سوال دے جواب اچ وزیر مملکت داخلہ طلال چوہدری ڈسائے جو 2015توں 2017تئیں90 ہزار 838 پاکستانیاں کو ںمختلف ملکاں توں بے دخل کیتا گے ۔انہاں ڈسایا جو لوکاں کوں غیر قانونی باہرلے ملک بھیجنڑ آلے انسانی سمگلراں دے خلاف کاروائی کیتی گی ۔ 2015توں 2017دے دوران ترائے ہزار 944 بے دخل لوک تے ایجنٹس دے خلاف مقدمے درج کیتے گن جڈاں جو6 ہزار 594 لوکاں کوںگرفتار کیتا گیا انہاں اچوں 5ہزار293 کوں سزا تھی اے۔ انہاں ڈسایا جو گزریل ترائے سالاں دے دوران انسانی سمگلنگ دے حوالے نال3388 لوکاں کوں گرفتار کیتا گے جنہاں اچوں2259 دا تعلق پنجاب توں، 1045 دا تعلق اسلام آباد، 77 دا تعلق کے پی کے، 5داتعلق سندھ تے ڈو دا تعلق بلوچستان توں ہے ۔
