ماحولیات دے تحفظ, معیشت دے استحکام کیتے جنگلات اچ ودھارا ضروری اے،صدر مملکت ممنون حسین

APP45-16 ISLAMABAD: February 16 - President Mamnoon Hussain offering prayer after planting a sapling to start the annual spring tree plantation campaign at the Aiwan-e-Sadr. APP

اسلام آباد ۔ 16 فروری (اے پی پی) صدر مملکت ممنون حسین موسم بہار دی شجر کاری مہم دا افتتاح کیےئ۔ایں موقعے تے صدر مملکت ممنون حسین دا آکھنڑ ہا جو ماحولیات دے تحفظ اتے معیشت دے استحکام کیتے جنگلات اچ ودھارا اتے تحفظ ضروری اے۔ایوان صدر اسلام آباد اچ شجر کاری مہم دا بُوٹالاونڑدی تقریب تھئی۔تقریب نال خطاب اچ صدر مملکت ممنون حسین دا آکھنڑ ہا جو وزارت موسمیاتی تبدیلی دے تحت ”گرین پاکستان مہم“ موسمیاتی تبدیلی نال نمٹنڑ کیتے مددڈیسی، ایں سانگے ودھ توں ودگ درخت لاونڑے چاہیدن ۔انہاں آکھیے جو حکومت جنگلات دے ودھارے کیتے بہوں اقدامات کیتن، ایں سانگے نویں نسل اچ شعور ودھاونر دی لوڑھ اے جو او درخت لاون اتے انہاں دی حفاظت وی کرن۔چنگاں ہوسی جو ایندے کیتے نصاب اچ وی تبدیلی کیتے ونجے۔انہاں وفاقی وزیر ماحولیاتی تبدیلی کوں ہدایت کیتی جو او ایندے کیتے تجویزاں ڈیون۔سڑکاں ، زرعی زمیناں اتے ریلوے لائناں دے نیڑے درخت لاونر کیتے خصوصی مہم چلائی ونجے۔صدر مملکت ماحولیات دے تحفظ کیتے مشاہد اللہ خان اتے انہاں دی وزارت دی وی تعریف کیتی۔صدر آکھیے جو پورے ملک اچ ” گرین پاکستان“ منصوبہ تے عملدرآمد جاری اے جیند ے اچ پورے ملک اچ درخت لائے ویسن۔ایں موقعے تے خاتون اول بیگم محمودہ ممنون وی ایوان صدراچ صنوبر دا بوٹا لایا۔