عاصمہ جہانگیر پاکستان دی آئینی ، قانونی اتے جمہوری تاریخ دا روشن باب ہے،نتیجے دی پرواہ کیتے بغیر انہاں ہمیشہ حق تے سچ دا ساتھ ڈتا ،وزیر مملکت اطلاعات و نشریات مریم اورنگزیب
اسلام آباد ۔ 11 فروری (اے پی پی) وزیر مملکت اطلاعات، نشریات، قومی تاریخ تے ادبی مریم اورنگزیب ممتاز قانون دان عاصمہ جہانگیر دے انتقال تے ودھ سارے ڈکھ دااظہار کیتے ۔اتوار کوں اپنڑے بیان اچ انہاں آکھیا جو آئین، قانون دی سربلندی ،جمہوریت تے پکا یقین تے انسانی حقوق دا تحفظ عاصمہ جہانگیردی زندگی دا خلاصہ اے، نتیجے دی پرواہ کیتے بغیر انہاں ہمیشہ حق تے سچ دا ساتھ ڈتا ۔ انہاں آکھیا جو عاصمہ جہانگیر پاکستان دی آئینی ، قانونی اتے جمہوری تاریخ دا روشن باب اے۔انہاں آکھیا جو پوری قوم عاصمہ جہانگیر دی جمہوریت ،سماج ، انسانیت اتے تریمتاں دے حقوق سانگے شاندار خدمات تے خراج عقیدت پیش کریندی اے،انہاں دا انتقال پاکستان سانگے بہوں وڈا ضیان اے انہاں دے ونجنڑ نال خلا کڈاہیں وی پر نہ تھیسی ۔انہاں آکھیا جو اج پورے پاکستان کوں ڈکھ اے انہاں دی مغفرت دی دعا اچ شریک اے ۔وزیر مملکت مریم اورنگزیب لواحقین سانگے صبر جمیل دی دعا کیتی۔
