اسلام آباد ۔ 21 فروری (اے پی پی) وزیراعظم دے مشیر قومی تریخ تے ادبی ورثہ عرفان صدیقی نے وفاقی سیکرٹری قومی تریخ تے ادبی ورثہ ڈویژن انجینئر عامر حسن دی اماں سینڑ ، قومی کمشن برائے وقار نسواں دی سیکرٹری ثمینہ حسن دی سس اتے لاہور کالج فار ویمن یونیورسٹی شعبہ اردو دی سابق سربراہ پروفیسر نذیر جہاں دی فوتگی تے گھاٹے ڈکھ دا اظہارکیتے۔ بدھ کوں اپنڑے تعزیتی پیغام اچ مشیر وزیراعظم پروفیسر نذیر جہاں دیاں تعلیم دے شعبہ اچ خدمات دی تعریف کریندے ہوئیں دعا کیتی جو اللہ سائیں مرحومہ کوں جنت اچ جاءڈیوے اتے انہاں دے گھر آلیاں کوںصبرڈیوے۔ پروفیسر نذیر جہاں پچھلے کجھ عرصہ توں بیمار ہن ۔
