نجکاری پالیسی پارلیمنٹ دی منظور شدہ اے،نجکاری توں بعد پی آئی اے دے ملازمین کوں کڈھیا ویسی نہ اثاثے وچیسوں،وزیر نجکاری دانیال عزیز

اسلام آباد ۔ 20 فروری (اے پی پی) وزیر نجکاری دانیال عزیز آکھیے جو نجکاری پالیسی پارلیمنٹ دی منظور شدہ د اے،اپریل تئیں نجکاری کرڈیسوں،نجکاری توں بعد پی آئی اے دے ملازمین کوں کڈھیا ویسی نہ اثاثے وچیسوں۔قومی اسمبلی اجلاس اچ توجہ ڈیواو نوتس دا جواب ڈیندے ہوئیں وزیر نجکاری دانیال عزیز آکھیے جو قومی ایئر لائن دی مجوزہ نجکاری دی منظوری وزیراعظم نئیں ڈتی بلکہ اے ٹرانزیکشن دی منظوری تھئی اے، نجکاری قانون اچ حکومت اتے اپوزیشن دے اتفاق نال 51 فیصد حصص حکومت کولوں راہسن، ایئر ٹرانسپورٹ بزنسانجھ تھی ویسی،ایندے نال ملازمین کوں کڈھیا ویسی نہ ہی ادارے دے اثاثے ویچے ویسن۔پی آئی اے کہیں چہیتے کوں دیونڑ یا ونڈ کھاونڑ دی گالھ اچ کوئی حقیقت کائنی۔سید نوید قمر آکھیے جو نجکاری قنون دے تحت 51 فیصد حصص اتے مینجمنٹ حکومت کولوں راہسی، ایندی وضاحت کرو۔دانیال عزیز آکھیے جو 51 فیصد توں ودھ حصص نسے ویچ سگدے،ایں قانون تے عملدرآمد تاں کریندے پئے ہین بھل ترمیم نسے کر سگدے،اے قانون ڈو سال کیتے بنڑیا ہا جیندی مدت اپریل اچ مُکدی پئی، اپریل تئیں نجکاری کرڈیسوسں،ایں معاملے کون خواہ مخواہ سیاسی ایشو نہ بنڑایا ونجے۔