لاہور۔28 فروری(اے پی پی )پاکستان مسلم لیگ(ن) لاہور دے صدر تے وفاقی وزیر محمد پرویز ملک تے جنرل سیکرٹری خواجہ عمران نذیر آکھیے جو محمد نواز شریف دی سرپرستی تے محمد شہباز شریف دی قیادت اچ ملک مزید ترقی کریسی، 2018دا الیکشن پاکستان دی ترقی تے خوشحالی دا الیکشن اے، پاکستان مسلم لیگ (ن) ڈینھ رات محنت کرتے خلوص دل نال عوام دی خدمت کیتی اے، اساں ملک توں غربت اتے بے روز گاری دا خاتمہ کریسوں تے ملک کوں صحیح معنی اچ قائد تے اقبال دا پاکستان بنڑیسن ،نواز شریف دی محبت کڈاہیں ونج نی سگدی ،او لوکاں دے دلاں اچ وسدن ، نوازشریف پاکستان دی شان ہن۔ او مدبر ہن تے اساڈی سیاست دے عظیم سپوت ہن، انہاں دی قیادت اچ اساں ترقی کریسوں تے رل تے اگی تے ودھسوں ،رات ڈینھ کوڑ مارنڑ آلے عمران دی وجہ توں میٹرواورنج ٹرین منصوبے اچ 22مہینے دی تاخیر تھی اے ،کے پی کے دی غیو ر عوام ساڈھے چار سال پہلے عمران خان تے اعتبار کتے اینکوں حکومت ڈتی تے او معاشی لحاظ نال صوبے دا بیڑہ غرق کر ڈتا ،عوام دی خدمت اساڈ ا مشن اے ۔
