اسلام آباد ۔ 21 فروری (اے پی پی) وفاقی وزیر برائے نیشنل ہیلتھ سروسز ریگولیشن اینڈ کوآرڈینیشن سائرہ افضل تارڑ آکھیے جو نیب جیہڑی انکوائری کرنڑی اے 15ڈینہہ اچ کرگھنے،میں آندے انتخابات اچ صاف ہتھاں نال ونجنڑ چاہندی آں۔اسلام آباد اچ پریس کانفرنس کریندے ہوئیں انہاں نیب نال پورے تعاون دی یقین دہانی کریندے آکھیے جوپریس کانفرنس دا مقصد تحقیقات توں بچنڑ نئیں، میڈے ہتھ صاف ہین، نیب میڈی ساکھ کوں خراب کرنڑ دی کوشش کیتی اے کیوں جو ڈاہ سالاں دی سیاست اچ میڈے تے کوئی وی کرپشن ثابت نئیں تھئی۔نیب تیکھے الزام دے تحقیقات کرے تاں جو لوکاں دے اگو حقیقت سامنڑے آوے ۔میں وزارت ملنڑ توں بعد سب توں پہلے غیر معیاری میڈیکل کالج بند کیتن، نیب کوں جیہڑے وی کاغذ لوح ہین میں آپ ڈیساں،میکوں نئیں پتا اے درخواست کیں ڈتی اے، اے پروپیگنڈہ اوہے لوک کریندے پین جنھاں کیتے میں رکاوٹ ہامی۔
