وزیراعظم دے قومی صحت پروگرام دے تحت پورے پاکستان اچ 31 لکھ خانداناں کوں صحت دیاں معیاری سہولتاں ڈتیاں گن، حکومت خط غربت توں تلے زندگی گزارن آلی پوری آبادی کوںا یہ سہولتاں ڈیونڑ سانگے عمل پیرا ہے، سائرہ افضل تارڑ

اسلام آباد ۔ 20 فروری (اے پی پی) وفاقی وزیر برائے نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ آکھے جو گزریل ساڈھے چار سالاں دے دوران صحت دے شعبے اچ بے مثال اصلاحات اتے اقدامات متعارف کرائے گئے ہن۔ اپنڑے ہک بیان اچ انہاں آکھیا جو حفاظتی ٹیکاں سانگے عالمی اتحاد حفاظتی ٹیکاں اتے ویکسینیشن پروگرام کوں چنگا کرنڑ سانگے اصلاحات شروع کرنڑ تے پاکستان کوں ہک ماڈل دے طور تے پیش کیتے۔انہاں آکھیا جو عالمی فنڈز اتے جی اے وی آئی نال پاکستان سانگے تعاون عالمی اقتصادی فورم دی بدولت ملے۔سائرہ افضل تارڑ آکھیا جو وزیراعظم دے قومی صحت پروگرام دے تحت سارے پاکستان دے 31 لکھ خانداناں کوں صحت دیاں معیاری سہولتاں ڈتیاں گن اتے ہنڑ حکومت خط غربت توں تلے زندگی گزارن آلی پوری آبادی کوں ا یہ سہولتاں ڈیونڑ سانگے کم کریندی پئی ہے۔انہاں آکھیا جو آزاد نگران بورڈ اتے فنی مشاورتی گروپ جئے وڈے نگران اداریاں پولیو کو منڈھوں مکاونڑ سانگے پاکستان دیاں کوششاں دی تعریف کیتی ہے ۔ وزیر صحت آکھیا جو وفاقی حکومت وسائل پیدا کرنڑ، شعبہ صحت کوں منظم بنڑاون اتے صوبیاںدے نال رابطیاں سانگے وڈے اقدامات کیتے ہن۔انہاں اقدامات دا مقصد سانجھے اہداف حاصل کرنڑ اتے معیاری خدمات دی فراہمی ہے۔انہاں آکھیا جو پاکستان عالمی فنڈ ز دے نویں فنڈنگ ماڈل دے تحت پاکستان دے 48 متاثرہ ضلعیاں اچ ملیریا دی ویکسین سانگے پنج کروڑ 20لکھ ڈالر حاصل کیتے ہن۔